As u permanent hier by Tergniet bly, 'n tuis-besigheid bedryf of hier vakansie hou, laat weet ons gerus.

Ons sal u webskakel of details kosteloos hier plaas - vir ten minste drie maande.

Tergniet

Ons weggesteekte strandoord teen die Suid-Kus van Suid-Afrika - met heerlike visvang- en swemplekke tussen rotspoele en die pragtigste sonsondergang.

Die webtuiste is in Liefdevolle Herinnering aan my Pa (Chris Steenkamp, 1936-2006): Tergniet se 'website' was ons gedeelde vreugde, en sy strandhuis by die Tergniet se see saam met my ma, sy enigste tuiste! Ek mis Pa elke dag meer en meer, maar vind Pa orals. (DS)

Kusweg, Tergniet

Die omgewing van Mosselbaai word in die 'Guiness Book of Records' beskryf as die mees-gematigde klimaat ter wêreld. Dit klop selfs Hawaii! Dis dus geen wonder dat Tergniet en Rheebok, Hartenbos, Groot Brakrivier en omliggende kleiner dorpe sulke gewilde aftreeplekke is nie...

Dolfyne word dikwels gesien, waar hulle agter die eerste branders swem. Walvisse 'toer' met nuwe kleintjies verby tussen die maande van Junie en Oktober.

Talle gesinne hou al jare vreugdevolle vakansies by Tergniet, en permanente inwoners bou lewenslange vriendskappe deur saam te kuier en saam te werk.

Waar kom die naam 'Tergniet' vandaan?

Dit word vertel dat ‘n sekere Mnr.Luckhoff die naam LUCKHOFF in groot letters op die dak van sy huis by Tergniet geverf het. Die kusnedersetting en klein spoorweghalte is later in die volksmond 'Luckhoff' genoem. Dit het egter verwarring veroorsaak, want daar was in die Vrystaat ook ‘n dorpie met die naam 'Luckhoff'. ‘n Vergadering is belê om ‘n ander naam te kies. Ds. Hooman, die spoorwegleraar het tydens die geleentheid die opmerking gemaak: “Terg elkander niet”, en toe spring iemand op en sê: Daar's die naam: Tergniet!

› Lees Meer oor die Geskiedenis

(Aangepas uit: "Die verhaal van Reebok" deur Hazel le Roux)

Die naaste kusdorp aan Tergniet is:

Groot-Brakrivier

Hierdie pragtige dorpie is 10 minute se ry vanaf Tergniet en het sowat 8000 inwonders, hoofsaaklik Afrikaanssprekend.

'n Pragtige skoolgebou wat dateer uit 1902, word as Museum en Inligtingskantoor gebruik. Besoek gerus die kantoor vir goeie broshures en kaarte vir plaaslike aktiwiteite.

Tel: (044)-620 3338
Fax: (044)-620 3176

Openingstye:

Week: 9.00 - 16.00
Saterdag: 9.30 - 12.00

TuisBlad · Akkommodasie · Geskiedenis · Tergniet Netwerk · Om te Doen · Kontak Ons

English Version of these Webpages will follow soon...